Атроф тўла аҳмоқлар

Шветсиялик хулқ-атвор бўйича мутахассис Томас Эриксон ушбу китобда инсонлар ўртасидаги мулоқот муаммоларини психологик нуқтаи назардан таҳлил қилади. Муаллиф машҳур DISC моделига таяниб, одамларни тўрт хил рангли шахсият турига бўлади: етакчи ва қарор қабул қилувчи (қизил), эмотсионал ва мулоқотманд (сариқ), босиқ ва содиқ (яшил) ҳамда таҳлилчи ва тартибли (кўк). Китоб атрофдагилар хулқ-атворини тўғри баҳолаш, турли характердаги инсонлар билан мулоқот тилини топиш ва низоларни камайтиришга ёрдам беради. У иш жойида ва шахсий муносабатларда бошқалар билан самарали алоқа ўрнатиш усулларини амалий ҳаётий мисоллар орқали тушунтириб беради.