Болакай, Кўрсичқон, Тулки ва Тулпор

Салом! Китобни ўқишни энг бошидан бошладинг ва бу жуда ажойиб. Мен одатда ўртасидан бошлайман ва ҳеч қачон муқаддимани ўқиб ўтирмайман. Аслида китоб ёзганимнинг ўзи ҳайратланарли, сабаби ўзимни намунали китобхон деёлмайман. Ҳақиқат шундаки, мен кўпроқ суратларга мубталоман: улар оролларга ўхшайди, сўзлар денгизига шўнғиш учун бориладиган маконларга. Ушбу китоб ҳамма учун. Саксон ёш бўламанми, саккизми — фарқи ёъқ. Зеро баъзан ўзимни ҳар икки ёшдагидек ҳис қиламан. Бу китобни ҳар қаерда ва ҳар қачон мириқиб ўқийдиган ўқувчиси бўлишини истардим. Хоҳласанг, ўқишни ўртасидан бошла. Китобнинг ичига ёзиб-чизиб ташла, саҳифалари четларини буклаб қўй ва ҳатто унда қўлларинг изи кўриниб қолсин.