Дарахтлар: "Яшил ўпка"миз билан яқиндан танишинг!

Италиялик ёзувчи Элеонора Барсоттининг ушбу энсиклопедияси болаларни табиат мўжизаси — дарахтлар олами билан таништиради. Китобда дарахтларнинг қандай ўсиши, илдиз тизими, барглардаги фотосинтез жараёни ҳамда уларнинг Ердаги ҳаётни сақлаб қолишдаги вазифаси тушунарли тилда баён этилган. Ранг-баранг тасвирлар ва қизиқарли фактлар ёрдамида ўқувчи турли иқлим минтақаларидаги дарахт турлари, уларнинг фасллар бўйича ўзгариши ҳамда атрофдаги жонзотлар билан экологик боғлиқлигини ўрганади. Нашр кичик ёшдаги болаларда табиатга нисбатан масъулият ва эътибор уйғотишга хизмат қилади.