Мактубот (Имом Раббонийнинг мактублари)

Имом Раббоний номи билан танилган буюк мутасаввуф ва олим Аҳмад Сирҳиндийнинг ушбу асари ислом оламидаги энг муҳим тасаввуфий ҳамда эътиқодий манбалардан биридир. Китоб муаллифнинг шогирдлари, замондош олимлар ва давлат арбобларига ёзган мактублари тўпламидан иборат. Мактубларда аҳли сунна эътиқодини софлигича сақлаш, Пайғамбаримиз суннатларига эргашиш, нафсни тарбия қилиш ҳамда тасаввуф ва шариат уйғунлиги масалалари ёритилган. Ушбу манба қалб хасталикларидан даволаниш, маънавий камолот ва эътиқодий масалаларда тўғри мезонни топишга хизмат қилади.