Мухтасар умра қўлланмаси

Ўзбекистон мусулмонлари идораси раиси, муфтий Шайх Нуриддин Холиқназар қаламига мансуб ушбу рисола умра зиёратчилари учун амалий қўлланмадир. Унда умра ибодатининг фарз ва суннатлари, Ҳанафий мазҳаби бўйича бажарилиш тартиби содда ва тушунарли тилда баён этилган. Зиёратга тайёргарлик, эҳромга кириш, Каъбатуллоҳни тавоф қилиш, Сафо ва Марва орасида саъий этиш ҳамда Мадинаи мунаввара одоблари батафсил ёритилган. Китоб сафар давомида зарур бўладиган дуолар ва амалий масалаларга шариат меъёрлари асосида жавоб беради.