Ёш Вертернинг изтироблари

Ёҳанн Волфганг Гёте (1749-1832) — янги давр немис адабиётининг асосчиси. Ижоди XVIII асрнинг 70-80-йиллари Германияда мавжуд бўлган «Бўрон ва ҳужум» адабий ҳаракатида иштирок этишдан бошланган. Шу даврда Гёте «Гес фон Берлихинген» (1773), «Прометей» (1773) каби драмалар ва лирик шеърлар ёзади. Гёте адабий фаолиятининг илк даврига мансуб «Ёш Вертернинг изтироблари» (1774) романи ўша давр немис адабиётида катта воқеа бўлди. 1786-1788-йилларда Италияга сафари даврида «Ифигения Тавридда» (1779-1781), «Эгмонт» (1788), «Торквато Тассо» (1780-1789) каби драмалар ёзади. Гёте «Ғарб-у Шарқ девони»ни (1814-1819) Шарқ шеъриятидан илҳомланиб ёзган. Девон 12 бўлимдан иборат. Гётенинг «Фауст» фожиаси (1768-1832) жаҳон адабиётидаги шоҳ асарлардан ҳисобланади.