Номаълум аёл мактуби

Стефан Свейг (Стефан Звеиг) 1881-йил 28-ноябрда Вена шаҳридаги бадавлат хонадонда, тўқимачи корхона эгаси Моритс Свейг оиласида дунёга келган. 1900-йилда гимназияни тамомлаб, Вена университетининг фалсафа факултетида таҳсил ола бошлайди. Талабалик чоғидаёқ «Кумуш торлар» деб номланган илк шеърий китобини нашр эттирган. Университетни тамомлаган Стефан Свейг дунё бўйлаб саёҳатга отланиб, дастлаб Европа, кейинчалик Осиё ва Америка қитъасидаги кўплаб шаҳарларга борган. 1922-йилдан бошлаб Стефан Свейг номини машҳур қилган китоблар бирин-кетин нашр этилган. Айниқса, адибнинг тарихий-биографик ёъналишда ёзилган «Эразм Роттердамуснинг шукуҳи ва фожиаси» (1934), «Мария Стюарт» (1935) асарлари янгиланаётган Европа адабиётида катта ўзгариш ясаган. Фашизмнинг ашаддий душмани бўлган адиб натсистларнинг Европа бўйлаб ғолибона юришларига тоқат қилолмаган ва руҳий тушкунлик натижасида 1942-йил 22-февралда ўз жонига қасд қилиб, ҳаётдан кўз юмган.