Alifbe: O'qish+yozuv+husnixat

Ushbu o'quv qo'llanmasi savod chiqarish jarayonidagi uchta asosiy bosqichni — harflarni tanish va o'qish, to'g'ri yozish hamda husnixat ko'nikmalarini shakllantirishni birlashtiradi. Kitobda alifbo harflari bosqichma-bosqich berilgan bo'lib, har bir harf uchun o'qish mashqlari va yozuv daftari unsurlari o'rin olgan. Sh. U. Sariyev muallifligidagi ushbu amaliy qo'llanma maktabgacha yoshdagi bolalar hamda boshlang'ich sinf o'quvchilarining savodxonligini oshirishga qaratilgan. U harflarni chiroyli va to'g'ri yozish, bo'g'inlarni ravon o'qish hamda qo'l harakatlarini to'g'ri yo'naltirishga yordam beradi.