O'smir yigitning ulg'ayish yo'li

Turkiyalik mashhur oila maslahatchisi Xadicha Kubro Tongarning ushbu kitobi o'smirlik ostonasida turgan yigitlar hamda ularning ota-onalari uchun yozilgan. Asarda bolalikdan kattalar hayotiga o'tish davridagi jismoniy va ruhiy o'zgarishlar islomiy qadriyatlar hamda psixologiya asosida tushuntiriladi. Muallif balog'at yoshidagi yigitlarda kuzatiladigan o'zgarishlar, mas'uliyat hissi va ichki kechinmalar haqida ochiq, ammo yuksak odob doirasida so'z yuritadi. Kitob o'smirlarga o'zida kechayotgan jarayonlarni to'g'ri anglashga yordam beradi, ota-onalarga esa farzandi bilan ishonchli muloqot o'rnatish yo'llarini ko'rsatib beradi.